داغین اوسته اوتوروپ بیر قوجا صحرایه باخیر
او گچن گونلرینی یاده سالیپ فیکره باتیر
دییر او اوز اوزونه گچدی جاوانلیق چاقی دا
صف چکیپ خاطره لر غملی گوزوندن یاش آخیر
او گوزل گونلرینی یاده سالیر عشقینی ده
یوزو غم حالتی توتموش اوره گی غمله یانیر
توتور آهسته سازین اللرینه ال تیتیریر
اوخوماق ایستییر اما سسی زنداندا قالیر
آهیله یالواریر آلاها کی آلسین جانینی
سسی چیخمیر تیتیرن اللریله سازی چالیر
گوزلرین باغلادی گوردی دلبرین صورتینی
بیلدی پیمانه سی دولموش یار اونا غمزه ساتیر
آچیپ او گوزلرینی یازدی داغین سینه سینه
گلمیین تاریم اشیتدی سسیمی جانیم آلیر ...