حیدر بابایه سلام شادی روح استاد شهریار وشادی روح امام(ره) وسلامتی امام زمان (ع) وسلامتی آقا امام خا منه ای صلوات محمدی حیدربابایه سلام حیدر بابا ، ایلدیریملار شاخاندا سللر، سولار ،شاققیلدایوب آخاندا قیزلار اوناصف باغلیوب باخاندا سلام اولسون شوکتوزه ، ائلوزه منیم ده بیرآدیم گلسین دیلوزه (1) حیدربابا ، کهلیک لرون اوچاندا کول دیبینن دوشان قالخوب قاچاندا باخچالارون چیچکلنوب ، آچاندا بیزدن ده بیر مومکون اولسا یاد ابله آچیلمیان اورکلری شاد ایله (2) بایرام یلی چارداخلاری ییخاندا نوروز گولی ،قار چیچکی ،چیخاندا آغ بولوتلار کوینکلرین سیخاندا بیزدن ده بیر یاد ایلییه ن ساغ اولسون دردلریمیزقوی دیکلسین داغ اولسون (3) حیدربابا، گون دالیوی داغلاسین اوزون گولسون بولاخلارون آغلاسین اوشاخلارون بیر دسته گل باغلاسین یل گلنده ،ور گتیرسین بویانا بلکه منیم یاتمیش بختیم اویانا (4) بیر بایاتی ،سیزین اوچون!!!.. اوجادیربیزیم قالا ، دردگئتمز یوزایل قالا ، بد اصیل اصیل اولماز ، بویونجاقیزیل قالا بیر آتا بابا سوزو!!!.. اوزون مدت پشمان اولماق ایسته میرسن ، نفسه تابع اولما حیدربابا ، سنون اوزون آغ اولسون دورت بیریانون بولاغ اولسون باغ اولسون بیزدن سوراسنون باشون ساغ اولسون دونیاقضو- قدر اولوم- ایتیمدی دونیابویی اوغولسوزدی ، یتیمدی (5) حیدربابا ،یولوم سنن کج اولدی عومروم کچدی گلممه دیم گج اولدی هچ بیلمه دیم گوزللرون نج اولدی بیلمزیدیم دونگه لروار ،دونوم وار ایتگین لیک وار، آیرلیق وار ،الوم وار (6) حیدربابا ، ایگیت امک ایتیرمز عمر کچر ، افسوس بره بیتیرمز نامرد اولان عمری باشا یتیرمز بیزد ، واللاه ، اونوتماریق سیزلری گورممسک حلال ادون بیزلری (7) حیدربابا ، میراژدر سسلننده کند ایچینه سسدن - کویدن دوشنده عاشیق رس